Ekipet tona janë në terren për të përballuar çdo sfidë
Ekipet tona janë në terren për të përballuar çdo sfidë, për të riparuar çdo defekt dhe për të garantuar që furnizimi me ujë të jetë i qëndrueshëm për çdo familje.
Përfundoi me sukses riparimi i defektit në Kodër Kamzës
Përfundoi me sukses riparimi i defektit në linjën e transmetimit prej çeliku Ø1100 mm, që furnizon depozitën e Kodër Kamzës.
Për orë të tëra ekipet e UKT-së punuan pa ndalim në terren deri në eliminimin e plotë të defektit, duke e përmbyllur me sukses ndërhyrjen në orën 04:30.
Linja të reja kontakti për një shërbim më të mirë
Për të qenë sa më pranë jush dhe për t’u dhënë zgjidhje kërkesave tuaja në kohë rekord, UKT vendos në dispozicion linja të reja kontakti.
Pagesë Online
Çdo abonent i UKT-së mund të kryejë pagesën e faturës me kartë bankare në të gjitha pikat tona të Kujdesit ndaj Klientit.
Kujdes në çdo orë të ditës
Ekipet tona që në çdo orë të ditës kujdesen, ndërhyjnë dhe zgjidhin problemet që uji të mbërrijë aty ku duhet në çdo familje.
Takim me Kryetaren në detyrë të Bashkisë Tiranë
Sot së bashku me Kryetaren në detyrë të Bashkisë Tiranë, diskutuam mbi prioritetet e performancës së shoqërisë si dhe mbi projektet në implementim dhe ato që po projektohen për përmirësimin e rrjetit të ujësjellësit në disa zona të kryeqytetit në funksion të një shërbimi më të mirë për qytetarët.
Finalizimi i riparimit të tubacionit DN 900
Pas 48 orësh intensiteti ekipet tona finalizuan me profesionalizëm riparimin e tubacionit DN 900.
Edhe pse përballë një linje transmetimi komplekse ia dolëm të garantojmë sërish efikasitetin e rrjetit.
Mirënjohje për djemtë në terren!
Përmirësimi i rrjetit të Ujësjellësit
Ekipet e UKT-së kanë finalizuar me sukses projektin për ndërtimin e rrjetit të ujësjellësit në Depon e Qytetit të Nxënësve dhe në Stacionin e Pompimit “Pishina”.
Punimet përfshinë shtrimin e tubacioneve të reja, vendosjen e elementeve modernë të manovrimit, si dhe rikonstruksionin e infrastrukturës ekzistuese, duke forcuar ndjeshëm sistemin.
Kjo ndërhyrje përmirëson dukshëm furnizimin me ujë në zonat e Selitës, Irfan Tominit dhe Komunës së Parisit, duke garantuar shpërndarje më të qëndrueshme dhe një balancë të sigurt ujore.
Përtej tubacioneve, ndërtojmë besim!
Faleminderit që na mbështetni në rrugëtimin tonë.
Më shumë se thjesht punë, është mision.
E nisim javën aty ku merr formë çdo projekt.
Fokusi ynë mbetet i palëkundur: planifikim i saktë për një rrjet më të sigurt dhe strategji të qarta për të rritur cilësinë e shërbimit. Atë që të tjerët e shohin si sfidë, ne e kthejmë në shërbim.
Takim për analizën e shërbimit dhe planifikimin e ndërhyrjeve në qytet
Në ambientet e Ujësjellës Kanalizime Tiranë u zhvillua një takim pune me pjesëmarrjen e Drejtorit të Përgjithshëm, Drejtorëve të Njësive dhe stafit teknik të UKT. Gjatë takimit u analizuan në mënyrë të detajuar problematikat e konstatuara gjatë vitit 2025, ecuria e punëve në terren si dhe masat dhe ndërhyrjet e planifikuara për përmirësimin e shërbimit në të gjitha zonat e qytetit. Diskutimet u fokusuan veçanërisht në garantimin e furnizimit të qëndrueshëm me ujë, rritjen e cilësisë së shërbimit ndaj qytetarëve dhe koordinimin e mëtejshëm të strukturave për zbatimin e planeve të investimit dhe mirëmbajtjes së rrjetit.
UKT pranë qytetarëve
Ekipet teknike, në bashkëpunim të ngushtë me drejtuesit, janë të angazhuara çdo ditë për përmirësimin e shërbimit dhe për t’iu përgjigjur në kohë çdo shqetësimi të qytetarëve. Prania e vazhdueshme e Drejtorit të Përgjithshëm në terren synon forcimin e bashkëpunimit mes strukturave dhe garantimin e reagimit të shpejtë ndaj problematikave të evidentuara. Ky angazhim i pandërprerë pasqyron përkushtimin e Ujësjellës Kanalizime Tiranë për të ofruar një shërbim më cilësor, më efikas dhe më pranë nevojave të qytetarëve.
Takim për planifikimin e punimeve
Grupet e punës të Ujësjellës Kanalizimeve Tiranë janë në terren pa ndërprerje, duke ndjekur nga afër çdo problematikë. Në këtë proces është angazhuar edhe Drejtori i Përgjithshëm, i cili i është bashkuar ekipeve të punës për të qenë më pranë qytetarëve dhe për të garantuar zgjidhje sa më efikase ndaj shqetësimeve të tyre.
UKT në terren, Rruga “Musa Agolli”
U krye sondazh në rrjetin e ujësjellësit, u konstatua defekti dhe u realizua ndërhyrja për riparimin e tij, me qëllim reduktimin e humbjeve dhe përmirësimin e shërbimit.
Reagim i menjëhershëm i UKT për defektin në zonën e Shën Mërisë
Për shkak të një defekti në linjën e transmetimit Ø 863 mm Shën Mëri – Fushë Dushk pranë Lumit Erzen në zonën e Shën Mërisë ekipet e UKT kanë ndërhyrë që në orët e para të mëngjesit.
Punimet janë mbyllur me sukses duke rikthyer funksionimin normal të linjës.
Rikthehet shërbimi normal pas ndërhyrjes në rrugën Aleksandër Moisiu
Ekipet e UKT kanë punuar gjatë natës për riparimin e defektit dhe eliminimin e humbjes në rrjet, në rrugën Aleksandër Moisiu. Punimet kanë nisur në orën 22:00 dhe kanë përfunduar në orën 05:30 të mëngjesit, duke garantuar vijimin normal të shërbimit.